Taarifa ya faragha

Taarifa zako, na tunachofanya nazo.

Imesasishwa: 18 Oktoba 2026

Taarifa hii inahusu tovuti ya potiva.app, ikiwemo kozi ya bure ya AI Kwa Vitendo (potiva.app/ai-kwa-vitendo). Programu zenye anwani zao (kama Hodi) zina maelezo yao ya faragha ndani ya programu.

1. Sisi ni nani

Potiva Frontier Solutions, Dar es Salaam, Tanzania. Sisi ndio tunaoamua jinsi taarifa zilizoelezwa hapa zinavyotumika (mdhibiti wa taarifa). Mawasiliano: WhatsApp au simu 0677 411 223, barua pepe hgurumo@gmail.com.

2. Taarifa tunazopokea

3. Huduma za watu wengine

Huduma hizi zina sera zao za faragha. Sisi wenyewe tunahifadhi ujumbe wako kwenye Gmail (Google) na WhatsApp (Meta), ambazo seva zake ziko nje ya Tanzania, na tovuti hii inahifadhiwa na Netlify nchini Marekani.

4. Kwa nini tunazitumia, kwa muda gani, na tunavyozilinda

Tunatumia taarifa zako kwa sababu umetuomba tukujibu, au tukuandalie au kukupa huduma. Kutupa taarifa hizo ni hiari yako, lakini bila njia ya kukufikia hatuwezi kukujibu. Tunatumia ujumbe wako kukujibu, kukuandalia pendekezo au bei, na kutoa huduma uliyoomba tu.

5. Haki zako

Chini ya Sheria ya Ulinzi wa Taarifa Binafsi ya Tanzania (2022), unaweza kutuuliza taarifa tulizonazo kukuhusu, kutuomba tuzirekebishe au tuzifute, kutuomba tuache kuzitumia, na kupinga jinsi tunavyozitumia. Tuandikie kupitia mawasiliano yaliyo juu. Tunathibitisha kupokea kila ombi ndani ya siku 3. Ukituomba tuache kutumia taarifa zako, tunathibitisha ndani ya saa 72 na kuamua ndani ya siku 7; maombi mengine yanakamilika ndani ya siku 14.

Unaweza pia kuwasilisha malalamiko kwa Tume ya Ulinzi wa Taarifa Binafsi (PDPC): www.pdpc.go.tz.

6. Programu za zamani za Potiva

Daftari, DukaBook, PangoPoa, VicobaSmart, RisitiPro, Biashara, MtihaniPro na Mimi zilikuwa kwenye potiva.app na zimeondolewa. Nyingi zilihifadhi taarifa kwenye kifaa chako. Baadhi huenda zilihifadhi taarifa za akaunti au nakala kwenye seva yetu. Tuulize, tutakueleza taarifa tulizonazo kukuhusu, na tutazifuta (angalia sehemu ya 7).

7. Kufuta taarifa au akaunti yako

Tuma ujumbe wa WhatsApp kwa 0677 411 223 au barua pepe kwa hgurumo@gmail.com ukitaja programu au huduma uliyotumia na namba ya simu au barua pepe uliyotumia. Tunafuta taarifa zako ndani ya siku 14 na kukujulisha zikishafutwa. Tunabaki na kumbukumbu ambazo sheria inatutaka kuzihifadhi tu (kwa mfano ankara za huduma ulizolipia), kwa muda ambao sheria inataka. Huhitaji kusakinisha programu yoyote ili kuomba. Maelezo kamili: kufuta akaunti.

Maendeleo ya kozi yapo kwenye simu yako: unaweza kuyafuta mwenyewe kwa kufuta data ya tovuti hii kwenye mipangilio ya kivinjari.

8. Mabadiliko

Taarifa hii ikibadilika, tunasasisha tarehe iliyo juu ya ukurasa huu. Mabadiliko yakigusa jinsi tunavyotumia taarifa zako, tunawajulisha pia moja kwa moja watu tunaowasiliana nao.