Kozi ya bure · Kiswahili

Tumia AI kazini, kwa Kiswahili.

Video fupi na mazoezi kwenye simu yako: kuiomba AI vizuri, kuhakiki inachoandika, na kuitumia kazini. Na Haidari Gurumo wa Potiva Frontier Solutions.

Kwa makampuni: mafunzo ya AI kwa timu nzima →
10
masomo
Bure
kwa wote
Kila wiki
Jumamosi
Haidari Gurumo kwenye video ya Somo la 2: Tatizo halikuwa AI, lilikuwa jinsi tulivyoiomba.
Kutoka Somo la 2 · AI ni nini hasa, na jinsi ya kuiomba

Kozi ya bure · masomo 10

Masomo

Gusa namba kufungua somo hilo moja kwa moja. Masomo mapya hutoka kila Jumamosi.

    Umeanza katikati? Hakuna shida. Anza na Somo la 1 hapa, au tazama yote kwa mpangilio kwenye orodha ya YouTube.

    Jinsi inavyofanya kazi

    Tazama. Jaribu. Tumia.

    1. 01

      Tazama video

      Dakika 4 hadi 6. Kila video inakuambia ni somo la ngapi.

    2. 02

      Fanya mazoezi

      Kadi fupi kwenye simu: tabiri, andika ombi, kamata makosa ya AI. Ulizokosa zinarudi siku zinazofuata.

    3. 03

      Tumia kazini

      Kila somo linaishia na kazi moja ya kufanya wiki hiyo.

    Kwa makampuni na taasisi

    Unataka timu yako yote ijifunze hivi?

    Kozi hii ni ya bure kwa kila mtu. Kwa makampuni, Potiva inaendesha mafunzo ya AI kwa timu nzima, kwa kazi zenu halisi, kwa Kiswahili au Kiingereza.

    • Warsha ofisini kwenu au mtandaoni
    • Sera ya matumizi salama ya AI ya kampuni yenu
    • Kila mshiriki anafanya kazi moja halisi kwa AI

    Msaada

    Umekwama?

    Majibu mafupi kwa matatizo ya kawaida kwenye simu.

    Nitajiungaje na kundi la WhatsApp?

    Bonyeza Jiunge na kundi la WhatsApp juu ya ukurasa huu. Itafungua WhatsApp na ujumbe tayari: andika jina lako na utume. Tutakuunganisha kwenye kundi.

    Kwenye kundi tunashirikiana maombi bora, maswali, na kazi za kila wiki.

    Kufungua akaunti ya ChatGPT au Gemini

    Njia rahisi ni akaunti yako ya Google, ile ile ya Play Store. Fungua app au tovuti (chatgpt.com au gemini.google.com), bonyeza kitufe cha kuingia, kisha chagua Google.

    Simu haina nafasi? Tumia kivinjari badala ya app.

    Menyu ziko kwa Kiingereza

    Maneno ya kawaida:

    • New chat: chat mpya
    • Settings: mipangilio
    • Personalization / Customize: maelekezo ya kudumu
    • Memory: kumbukumbu
    • Upload / Attach: pakia faili au picha
    • Send: tuma

    Unaweza pia kuiandikia AI kwa Kiswahili hata kama menyu ni za Kiingereza.

    AI imesema nimefikia kikomo

    Matoleo ya bure yana kikomo cha ujumbe au cha zana fulani kwa muda fulani. Subiri muda unaotajwa, au endelea na zana nyingine kwa kazi hiyo hiyo. Ndiyo sababu ni vizuri kujua zana mbili.

    Data: kiasi gani?

    Kila video imeandikwa ukubwa wake (MB) kwenye somo. Mazoezi ni madogo sana, na yakishafunguka mara moja yanafanya kazi hata bila mtandao.

    Kupakia picha au PDF kwenye AI kunatumia data zaidi kuliko kuandika. Tumia Wi-Fi ukiweza.

    Maendeleo yangu yamepotea

    Bila akaunti, maendeleo yanahifadhiwa kwenye kivinjari cha simu hii tu. Ukifuta data ya kivinjari, au ukifungua kwenye kivinjari kingine, hayaonekani.

    Tumia namba ya nakala kwenye Mradi wangu kuhamisha maendeleo yako kwenye simu nyingine.

    Kurudia, na streak, vinafanyaje kazi?

    Kadi ulizokosa zinarudi kesho. Ulizopata zinarudi baada ya siku 2, kisha 7, kisha 21. Hivyo ndivyo kumbukumbu inavyodumu.

    Siku inahesabika ukijibu kadi moja tu. Ukikosa siku moja kwa wiki, streak haikatiki.